पन्नासहून अधिक वर्षांची पत्रकारिता करणारे ज्येष्ठ पत्रकार, दैनिक केसरी,लोकमत, लोकसत्ता, या वृत्तपत्रांचे माजी संपादक श्री अरविंद व्यं. गोखले हे अग्रगण्य मराठी लेखक आहेत.
त्यांची २० पेक्षा जास्त पुस्तके प्रकाशित झाली आहेत.
पाकिस्ताननामा हे त्यांचे पुस्तक फारच गाजले. ५ वेळा पाकिस्तानची यात्रा केलेल्या श्री गोखले यांनी तेथील अनुभव अतिशय यथार्थ शब्दांत मांडले आहेत..
- माजी संपादक केसरी, माजी संपादक लोकमत आणि निवृत्त सहायक संपादक लोकसत्ता
- दैनिक केसरीमध्ये उपसंपादक, वृत्तसंपादक, सहसंपादक, कार्यकारी संपादक ते संपादक अशा विविध पदांवर काम. केसरीत मार्च १९९२ मध्ये संपादकपदी नियुक्ती. केसरी, लोकमत, लोकसत्ता या दैनिकातून असंख्य अग्रलेख.
- संपादक लोकमत (२००२), सहायक संपादक लोकसत्ता (२००३-२०११).
- केसरी, लोकसत्ता,या दैनिकात अनेक सदरांचे लेखन. सामान्य माणसाच्या प्रश्नांना वाचा फोडण्याचे काम. प्रसंगी अनेक संकटांना सामोरा.विश्वचषक क्रिकेट स्पर्धेचे पाकिस्तानमध्ये जाऊन रोजच्या रोज केसरीत वर्णन.
- शैक्षणिक पात्रता: एम.ए. (इतिहास) शिक्षण सांगलीमध्ये. शिवाजी विद्यापीठाच्या वृत्तपत्रविद्या अभ्यासक्रमात दुसऱ्या क्रमांकाने उत्तीर्ण
- केसरीमध्ये १९६९ मध्ये उपसंपादकपदी निवड.उपसंपादक ते संपादक या दरम्यान अनेक पदांवर काम. अनेक महत्वाच्या घडामोडींचे दिल्लीत किंवा अन्यत्र जाऊन विश्लेषण. अनेक राजकीय पक्षांच्या अधिवेशनांचे वार्तांकन.दिल्लीची खुसखुशीत वार्तापत्रे दिल्ली दिनांक या सदरामध्ये प्रसिद्ध.
- कॉमनवेल्थ प्रेस युनियनची ‘हॅरि ब्रिटन मेमोरियल फेलोशिप’ (१९७९)
- पंतप्रधानांसमवेत चीन, दक्षिण कोरिया, सिंगापूर, व्हिएतनाम आणि पाकिस्तान या पाच देशांचा दौरा.
- अमेरिकेच्या ‘इंटरनॅशनल व्हिजिटर्स प्रोग्रॅम’च्या वतीने ‘दक्षिण आशियातील तणावाचे नियंत्रण’ या विषयावर अमेरिकेचा अभ्यास दौरा (१९९४)
- वॉशिंग्टनच्या ‘द हेन्री एल स्टिम्सन सेंटर’ची फेलोशिप मिळवणारा एकमेव मराठी पत्रकार. तिथे भारत-
- पाकिस्तान संबंध आणि काश्मीरचा प्रश्न या विषयावर संशोधन (१९९८)
- ‘मंडालेचा राजबंदी’चे आकाशवाणीच्या पुणे केंद्रावर सलग दोन वर्षे वाचन (२००८-२००९)
- लोकमान्य या झी मराठीवरील लोकप्रिय मालिकेचा संशोधन प्रमुख (२०२३)
- पत्रकारिता अभ्यासक्रमाचे मानद अधिव्याख्याते.
पारितोषिके आणि पुरस्कार
- उत्कृष्ट पत्रकारितेचे आचार्य अत्रे पारितोषिक. (१९९६)
- कै. बाबूराव ठाकूर निर्धार पारितोषिक (२००३)
- कै. सुशिलादेवी देशमुख एकमत पारितोषिक सर्वोत्कृष्ट पत्रकारितेसाठी. (२००३)
- माध्यमरत्न पारितोषिक सर्वोत्कृष्ट पत्रकारितेसाठी. (२००४)
- आदर्श पत्रकारितेसाठी महाराष्ट्र संपादक परिषदेचा ‘लोकमान्य टिळक पुरस्कार’ (२०१२)
- अल् काईदा ते तालिबान या अनुवादित ग्रंथास महाराष्ट्र साहित्त्य परिषदेचा पुरस्कार (२०१३)
- उत्कृष्ट पत्रकारितेसाठी केसरी-मराठा संस्थेचे जयंतराव टिळक पारितोषिक (२०१४)
- असाही पाकिस्तान या ग्रंथास महाराष्ट्र साहित्य परिषदेचे पारितोषिक (२०१७)
- संघर्ष बलुचिस्तानचा या ग्रंथास महाराष्ट्र साहित्य परिषदेचे अभिजात साहित्याचे पारितोषिक (२०१८)
- उत्कृष्ट साहित्यविषयक कामगिरीसाठीचा डॉ. गं. ना. जोगळेकर पुरस्कार (२०२२)
- उत्कृष्ट साहित्यिक कामगिरीसाठीचा ख्यातनाम साहित्यिक मृत्युंजयकार कै. शिवाजीराव सावंत स्मृती पारितोषिक (२०२३)
- टिळकपर्व या ग्रंथासाठी महाराष्ट्र ग्रंथोत्तेजक संस्थेचे न्यायमूर्ती रानडे पारितोषिक (२०२३)
- टिळकपर्व या ग्रंथासाठी चिपळूण येथील लोकमान्य टिळक स्मारक वाचन मंदिर या संस्थेचे पारितोषिक (२०२४)
- वज्रपुरुष या ग्रंथासाठी इचलकरंजीच्या आपटे वाचन मंदिराचे लक्षणीय गद्य साहित्यकृतीचे पारितोषिक. (२०२४)
- पुण्याच्या लोकमान्य स्मृती प्रतिष्ठानचा लोकमान्य टिळक सामाजिक एकात्मता पुरस्कार (२०२४)
पुस्तके:
- अक्षरांजली,
- पाकिस्ताननामा,
- अमेरिकेत शिकायचंय?,
- आय. सी-८१४(कादंबरी),
- संपादन,
- कारगिल ते कंदाहार,
- मंडालेचा राजबंदी,
- परदेशात शिकायचंय!,
- पाकिस्तानात साठ वर्षे (अनुवादित),
- अल् काईदा ते तालिबान (अनुवादित),
- असाही पाकिस्तान,
- संघर्ष बलुचिस्तानचा
- कलम ३७०+३५ अ
- ड्रॅगनचे करोनास्त्र
- The Prisoner of Mandalay मंडालेचा राजबंदी या पुस्तकाचे अनिल गोखलेकृत भाषांतर नॅशनल बुक ट्रस्टच्यावतीने प्रसिद्ध.
- टिळक पर्व (१९१४-१९२०): लोकमान्य टिळक यांच्या शेवटच्या सहा वर्षांच्या झंझावाताचा आलेख,
- वज्रपुरुष (लोकमान्यांच्या विविध पैलूंचे दर्शन)
- अष्टावधानी लोकमान्य (लोकमान्यांच्या जीवनातील ठळक प्रसंग)
आगामी
- खलिस्तानचे कारस्थान.
